Aksident te Fakulteti Teknik, motoçiklisti thyen xhamin e veturës dhe përfundon brenda (FOTO)

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një i tillë ka ndodhur mbrëmë afër Fakultetit Teknik në Prishtinë.

Sinjalizues të Gazetës Sinjali kanë dërguar pamje ku shihet se një motoçikletë është përfshirë në aksident me një veturë.

Sipas sinjalizuesit i cili ishte dëshmitar i rastit, vozitësi i motoçikletës e ka thyer xhamin veturës dhe ka perfunduar brenda automjetit.

Deri tani, nuk dihet nëse ka të lënduar.

Sinjali ka kontaktuar edhe Policinë e Kosovës por deri tani nuk ka marrë përgjigje./GazetaSinjali