Arrestohet i dyshuari për grabitje në tentativë në Gjilan

Drejtoria Rajonale e Policisë Gjilan, ka arrestuar të dyshuarin kosovar S.I. (1982), në momentin kur i dyshuari ka tentuar që të kryejë një grabitje në një lokal afarist tregtar në qytetin e Gjilanit.

“I njëjti nën kërcënim të armës, fillimisht kishte arritur që nga arka e shitjes punëtorit të marketit të ia grabiste një sasi të konsiderueshme të hollash, por punëtorët tjerë prezent kanë ndërhyrë dhe kanë arritur që ta ndalin të dyshuarin, gjersa shumë shpejtë njësitet të shumta patrulluese policore
kanë arrit në vende të ngjarjes dhe e kanë arrestuar të dyshuarin. Në vendin e ngjarjes është konfiskuar një armë e zjarrit ( revole ) e modelit Browing
Belgium’’me katër ( 4 ) copë fishek”, thuhet në komunikatën për media.

I dyshuari është intervistuar në bazë të procedurave ligjore në prani të avokatit mbrojtës.

“Gjatë hetimeve në vijim janë gjetë prova të qëndrueshme se ky i dyshuar besohet se është i involvuar edhe në një rast tjetër “Grabitje “që ka ndodhë me 16.11.2022 në një pikë karburanti në rrethinën e qytetit të Gjilanit. Për rastin është njoftuar prokurori i shtetit i cili ka urdhëruar që ndaj të dyshuarit të caktohet masa e ndalimit për 48 orë, gjersa hetimet rreth rasteve të cekura më lartë po kryhen nga Policia e Kosovës, njësiti i hetimeve rajonale në Gjilan”, thuhet tutje.