Detajet e fundit: 17 persona të plagosur në incidentin me armë zjarri në Bon Vivant, 7 me armë zjarri

Drejtori i Klinikës Emergjente, Naser Syla, tha se 7 prej tyre janë të plagosur me armë zjarri dhe 10 të tjerë nga mjetet prerëse, si xhamat, përcjell Sinjali.

Raportohet se një nga të dyshuarit për të shtënat me armë është plagosur gjithashtu.

I njëjti është duke u operuar në QKUK, teksa ka marrë lëndime në fytyrë, më saktësisht pranë njërit sy.

Njëri nga të plagosurit është në gjendje të rëndë shëndetësore, ndërsa një femër ka disa plagë nga prerja e marrë duke tentuar të shmang konfliktin mes dy grupeve.