Serbi me emrin Radovan konvertohet në fenë islame, e thotë shehadetin përpara Shefqet Krasniqit – Ja çka i thotë hoxha
Radovani, një qytetar serb në prani të hoxhës Shefqet Krasniqi u konvertua nga besimi ortodoks në besimin islam, por edhe emrin nga Radovani e ktheu në Ridvan.
Hoxha Krasniqi i dha informacione bazike për islamin Radovanit, derisa bënte gati ceremoninë formale të konvertimit nga feja ortodokse në fenë islame, e që do të mjaftonte që hoxha Krasniqi ta quante edhe “vëlla” Radovanin e bërë Ridvan.
Nga ky çast, ti je musliman, dhe je jo vetëm si na, por më i mirë se na. E para se me të kallxu çka domethanë kjo më mirë se na e me ta bë përhajr, kisha pasë qef me të pyet për emër. Emrin më the në fillim që e ke Radovan, a po ke qef me e ndërru?”, i tha Krasniqi – Radovanit.
“Po”, iu përgjigj ky i fundit.
“Çfarë emri po e zgjedh?”, i tha Krasniqi.
“Ridvan”, u përgjigj Radovani.
E pas përqafimeve të ngrohta të Ridvanit me hoxhën Shefqet Krasniqi ky i fundit i pati edhe disa fjalë për të, duke ia ndihmuar gjuhës shqipe edhe me pak serbisht.
“Edhe dy fjalë, kur thash vëlla Ridvan se ti je sikurse na, por edhe më i mirë sesa ne, pata për qëllim, kur një njeri jo-musliman, e thotë shehadetin e bëhet musliman, krejt gjynahet të cilat i ka bërë, krejt ama krejt, i fshihen i falen. Kështu që nga ky moment, ty fillojnë veprat tua si një letër e bardhë ku nuk ka në të kurrgjë, prej tashit ia nis të shënohen veprat, a ne i kemi plot me gjynahe, ti i ke të pastërta, kështu që ti je më i mirë se na, e ne ta kemi lakmi ty.”, i tha Krasniqi duke e përcjellë këtë fjalim me lutje për mirëqenien e Ridvanit.
