Protesta në Jarinjë, tentim i zbehtë për hyrje në Kosovë

Flamuri i atdhetarëve nga Serbia, Mali i Zi dhe Republika Serbe, në mesditë valoi në Rashkë, afër kufirit në Jarinjë.

Rreth tij, u mblodhën serbët, disa prej të cilëve të maskuar, që u tubuan nga kjo organizatë në mbështetje të serbëve në Kosovë, që kanë barrikaduar rrugët.

Ata ia mësynë pikës kufitare aty, ku ndodhet KFOR-i dhe policët kosovarë.

Megjithatë, rruga atyre u ndërprehet nga policët serb, çka nuk i pëlqen grupit që i prinë Damjan Knezheviq, një nga drejtuesit e organizatës djathtiste, Patrulla Popullore nga Serbia.

Kordoni nuk qëndron gjatë. Protesuesit përplasen me të uniformuarit, derisa në afërsi dëgjohet krisma e një mjeti shpërthyes.

Situata kthehet nën kontroll, vetëm pasi ndërhyjnë forcat speciale serbe.