Lëshohen në hapësirë satelitët “Albania 1” dhe “Albania 2”, Rama: U tha, u bë

Në Cape Carnaval të Floridës sapo është lëshuar raketa “Falcon 9”, misioni i përbashkët i “SpaceX Transporter 6”, që transporton për në hapësirë “Albania 1” dhe “Albania 2”.

Lajmin e ka bërë të ditur kryeministri Edi Rama, i cili ka ndarë edhe videon e momentit kur satelitët lëshohen në hapësirë.

“Nga sot Shqipëria ka më shumë aftësi të teknologjisë së lartë për të kontrolluar, mbrojtur e administruar territorin, duke siguruar në kohë reale të dhëna të rëndësishme në një sërë aspektesh kyçe për zhvillimin e qëndrueshëm”, shkroi Rama.