Dëmtohet rëndë një varr në një lagje të Prizrenit, pamje nga vendi i ngjarjes

Një varr është demoluar në varrezat e lagjes Arbana në Prizren.

Denoncuesi Bashkim Gajraku nga kjo lagje ka thënë për Insajderin se i ka bërë thirrje organeve të rendit për hetimin e rastit. Ai ka thënë se s’dihet motivi i ngjarjes.

Në videon që ka dërguar, shihet një varr krejtësisht i demoluar.

“Kjo është krim për njerëzimin, mos me pasë fëmija ku me ardhë te baba i vet”, thotë denoncuesi në video.

Insajderi ka kontaktuar me Policinë në Prizren për ta pyetur nëse janë të informuar liidhur me rastin, mirëpo deri në momentin e publikimit s’ka pranuar ndonjë përgjigje. /Insajderi.org/