Gashi: Radoiçiqi ka arritë më i lidhë grupet kriminale serbe-shqiptare

Gazetari hulumtues, Kreshnik Gashi në “Pressing” në T7, ka treguar ne detaje se sa i pushtetshëm ka qenë kryeterroristi, Milan Radojçiq në veri në 15 vitet e fundit. Gashi ka thënë se Radoiçiq ka lidhë botën e krimit dhe kontrabandës mes dy shteteve, Kosovë dhe Serbi, teksa ka shtuar për ndikimin e tij në sistemin e drejtësisë së Kosovës.

“Njeriu i cili ka mbërri mi bë bashkë dy shtetet dhe mi lidhë edhe grupet e krimit të organizuar por edhe politikën e dy shteteve në mes dhe ai me qenë një lojtar kyç i këtyre elementeve. Pra kur flasim për krimin e organizuar, grupet shqiptare dhe serbe të krimit të organizuar ka arritë me i lidhë dhe me pas një bashkëpunim bukur të madh, sidomos nga viti 2008 e tutje, kur është nisë kontrabanda e madhe e krimi i organizuar në zonën e Veriut”, tha Gashi për Radojçiq në “Pressing”, transmeton Gazeta Express.

Tutje, ka shpjeguar për ndikimin e Radijoçiqit në skenen politike në vend.

“Pastaj është shndërru në figurën kryesore politike në zonën e Veriut, sepse duke e dominuar forcën, ai ka mbërri më kontrollu çdo gjë që ka ndodh në Veriun e Kosovës, përfshi edhe qetësinë, pra Milan Radojiçiq, është njeriu i cili ka largu barrikadat në Veri, ka garantu paqen dhe qetësinë sa herë që ka dashtë në zonën e Veriut, sa herë ka dashtë me pas alarme ka pas alarme”.

Gashi tha se Prokuroria e Mitrovicës ka flejt duke mos hetuar seriozisht krimin e organizuar në veri.

“Prokuroria e Mitrovicës gjithmonë ka flejtë për atë që ka ndodh në Veri, nuk e ki asnjë hetim serioz nga Prokuroria e Mitrovicës dhe kjo na ka tregu që tentativat e Prokurorisë Speciale për me hetu grupin kanë mbetë në gjysmë”.

Tutje ai u ndalë tek bashkëpuntorët e tij shqiptarë në botën e ndërtimit.

“Pushtet absolut edhe në shpërlarjen e parave, paratë janë investu në Kosovë e Serbi. Investimet janë në ndërtime, njerëzit që kanë bashkëpunu me Radojiçiqin kanë ndërtu në jug, dihen kompanitë, me dashtë shteti me i hetu kompanitë – i zbulon, shqiptarë janë. Kontrabanda është zhvillu midis shqiptarëve dhe serbëve”, tha Gashi.

Gazetari hulumtues tregoi për ndikimin e Radojçiqit në gjykatat e Kosovës.

“Radojiçiq është personi i vetëm që ka mbërri me u intervistu me video-link dhe me ju tërheq fletëarresti për një vrasje. Prokurori e ka intervistu nga Prishtina për një vrasje dhe ju ka hekë fletëarresti. Në një sistem shumë të mistershëm”, tha ai.