Gruaja e dehur në Prizren i hyn dajak të dashurit të saj në kafene, e bën për spital

Një person ka pranuar tretman mjekësor pasi derisa ka qenë në një kafiteri është sulmuar fizikisht nga një femër e cila ishte nën ndikim të alkoolit.

Një incident ka ndodhur mbrëmë në një kafene në ‘Sheshin e Lidhjes’ në qytetin e Prizrenit, ku një grua e cila ishte nën ndikimin e alkoolit dyshohet se ka rrahur të dashurin e saj me të cilin është në lidhje tash e disa vite

Sipas raportit 24 orësh të Policisë së Kosovës, ngjarja ka ndodhur të premten rreth orës 18:30 në sheshin e Lidhjes, në Prizren.

Tutje bëhet e ditur se viktima dhe e dyshuara kanë pranuar tretman mjekësor.

“Viktima mashkull kosovar ka pranuar tretman mjekësor pasi që i njëjti derisa ka qenë në një kafiteri është sulmuar fizikisht nga e dyshuara femër kosovare e cila ishte nën ndikim të alkoolit. Viktima dhe e dyshuara kanë pranuar tretman mjekësor. Me vendim të prokurorit, rasti në procedurë të rregullt”, thuhet në raport.