Kurti: Vuçiqi është student politik i Vojisllav Sheshelit, unë i Adem Demaçit
Kryeministri Albin Kurti ka thënë se presidenti i Serbisë, Aleksandër Vuçiq, është student politik i Vojisllav Sheshelit.
“Vuçiqi është student politik i Vojisllav Sheshelit, ndërsa unë si kryeministër i Kosovës, unë jam student politik i Adem Demaçit”, ka thënë Kurti në një intervistë për N1.
“Dhe ky ballafaqim , kjo përplasje ndërmjet kryeministrit të Kosovës dhe presidentit të Serbisë, është në një mënyrë thelbësore, përplasej ndërmjet Adem Demaçit, atij vizioni dhe asaj trashëgimie, dhe Vojisllav Sheshelit”, shtoi Kurti.
Tutje i pari i Qeverisë tha se marrëveshja ndërmjet Kosovës dhe Serbisë nuk do të jetë e lehtë, në një pjesë të intervistës të postuar nga Lëvizja Vetëvendosje në Facebook.
“Andaj unë e pranoj që marrëveshja ndërmjet Kosovës dhe Serbisë nuk do të jetë e lehtë, por megjithatë mendoj që duhet t’i jepet shans dialogut dhe të shpresojmë e të punojmë për më mirë”, u shpreh Kurti.
