Matjet e opinionit publik: Albin Kurti lideri më i pëlqyer (FOTO)

Në sondazhin e Institutit PIPO, i cili u prezantua gjatë emisionit Rubikon në Klan Kosova, ku pyetja e parashtruar ishte se cili nga liderët e paraqitur në grafikën e mëposhtme është më i pëlqyeri, rezulton që Albin Kurti prin me 26.7 përqind, i pasuar nga Lumir Abdixhiku me 20 %.

Pas tyre vjen Memli Krasniqi me 17 % dhe Vjosa Osmani me 11.8 %, ndërsa Ramush Haradinaj u zgjodh nga 7.2 përqind e kosovarëve të anketuar.

Për opsionin “asnjëri” u përcaktuan 9.8 përqind, ndërsa 3.8 % nuk pranuan të përgjigjen ose thanë se nuk e dinë.

Fatmir Limaj u pëlqye nga 2.9 % e të anketuarve, i pasuar nga Mimoza Kusari me 0.40% dhe Behgjet Pacolli me 0.4%.