Momenti i frikshëm: Lopa bie nga kamioni në mes të autostradës

Momenti i frikshëm ku një lopë bie nga pjesa e pasme e një kamioni që kryente transportin e gjitarëve, në mes të një autostrade me trafik të rënduar në Britaninë e Madhe, është kapur në kamera.

Kafsha ra në korsinë e parakalimit pranë kryqëzimit numër 9 të autostradës M6 me drejtim veriperëndimin e Anglisë, pothuajse duke u përplasur me makinat që po lëviznin me të paktën 112 km/h.

Policia thotë se edhe një lopë tjetër ra nga i njëjti kamion 3 kilometër më tej dhe autostrada u mbyll për rreth 90 minuta.

Pamjet e incidentit që janë filmuar nga makina pas kamionit tregojnë lopën duke rënë në rrugë dhe duke rrëshqitur drejt korsisë ku një tjetër kamion po realizonte një manovër parakalimi.