Napoli i Amir Rrahmanit shpallet kampion në Itali

Skuadra e Napolit edhe zyrtarisht është shpallur Kampion i Italisë për sezonin 2022/2023.

Napoli edhe matematikisht e siguroi titullin e Kampionit, pasi barazoi sonte 1-1 në udhëtim ndaj Udineses, shkruan IndeksOnline.

Udinese ishte skuadra e parë që kaloi në epërsi me golin e Lovric në minutën e 13-të. Me rezultat 1-0 u mbyll edhe pjesa e parë.

Me të filluar pjesa e dytë, Napoli barazoi rezultatin me golin e sulmuesit Osimehn në minutën e 52-të.

Kjo pikë ishte e mjaftushme për Napolin që të sigurojë edhe matematikisht titullin, pasi kur kanë mbetur edhe pesë ndeshje nga fundi i sezonit, ata kanë grumbulluar 80 pikë, derisa Lazio renditet e dyta me 64 pikë.

Në anën tjetër udinese renditet në pozitën e 12-të me 43 pikë.