Pantiqit i zëvendësohet masa e paraburgimit me arrest shtëpiak

Avokati i Dejan Pantiqit, Nebojsha Vllaiq, ka konfirmuar për Radion Evropa e Lirë se klientit të tij i është zëvendësuar masa e paraburgimit me arrest shtëpiak.

“Policia [e Kosovës] është e obliguar që të transferojë Patiqin në adresën ku ai jeton”, tha ai.

Pantiqi u arrestua në fillim të dhjetorit. Pas arrestimit të tij, serbë lokalë u barrikaduan duke mbyllur rrugët në veri të Kosovës, në drejtim të pikave kufitare në Jarinjë e Bërnjak. Numri i barrikadave ka shkuar në 13.