“Prej besimit në Zot nuk ka sherr”, fotografi Arian Mavriqi flet për paragjykimet dhe gjuhën e urrejtjes

“Prej besimit në Zot nuk ka sherr”, fotografi Arian Mavriqi flet për paragjykimet dhe gjuhën e urrejtjes

Fotografi i njohur Arian Mavriqi, i ftuar në emisionin “E DIELA VLEN” në ATV, foli edhe për besimin e tij.

Ai tha se në Kosovë ka shumë paragjykime, sidomos për fenë islame dhe se në internet është e përhapur gjuha e urrejtjes.

Mavriqi përmendi një rast për ofendimet që kishte marrë të një gruaje myslimane, e cila kishte postuar një internet një video ku shpjegon se si bëhet hixhamia, praktikë kjo të cilën e praktikojnë myslimanët, por edhe besimtarët e feve të tjera.

“Është një paragjykim, një keqkuptim kohëve të fundit nga individ të caktuar, të cilët mendojnë dhe e shohin sidomos islamin si një transformim në diçka tjetër, kërkojnë një islam tradicional se qysh ka qenë edhe bëhen grupacione të ndryshme edhe ofendojnë, edhe paragjykojnë. Për fat të keq sidomos në internet, pastaj dalin grupe tjera të cilat akoma më shumë i fryjnë këtij zjarri dhe paragjykohet e shpifet, për shembull herën e fundit, një motër e nderuar myslimane kishte bërë një postim për një mënyrë të shërimit profetik të hixhames, edhe zonja e shpjegon në detaje se si bëhet, po betohem në Zot, po ta kishit pa se si e kanë paragjykuar, si e kishin ofenduar, si arabe, si kriminele, si gjithçka tjetër, duke mos e dëgjuar fare se çfarë po flet. Do me thanë, ne momentin që shihet me një shami mbi kokë, automatikisht është paragjyku, është ofendu, është prekë deri në moralin e saj”, tha Mavriqi. /atvlive.tv