Presidentja Osmani: S’ka arsye për takim me Vuçiqin, njëherë sanksione ndaj tij – pastaj flasim

Presidentja e Republikës së Kosovës, Vjosa Osmani, është pyetur nga gazetarët nëse do të ketë në Granada të Spanjës takim me presidentin e Serbisë, Aleksandar Vuçiq.

Osmani ka thënë se s’ka arsye për të mbajtur një takim me presidentin serb, duke thënë se fillimisht duhet të vendosen sanksione ndaj Serbisë e Vuçiqit dhe më pas mund të flitet për gjërat e tjera.

“Nuk ka asnjë arsye për t’u takuar përpara se të miratohen sanksionet ndaj Vuçiqit. Sanksionet të parat dhe më pas mund të bisedojmë për të tjerat”, ka thënë Osmani.