Protesta në Jarinjë, reagojnë nga Presidenca e Kosovës
Blerim Vela, shef i Stafit në Kabinetin e Presidentes së Kosovës, Vjosa Osmani, ka reaguar pas organizimit të protestës nga dhjetëra serbë në pikën kufitare në Jarinjë, nga ana e Serbisë.
Vela ka thënë se Kosova nuk do të bie pas kësaj ngjarje dhe se integriteti territorial është i pacenueshëm.
“Protestuesit kaluan nga ‘nema predaje’ (pa dorëzim) në ‘hajmo nazad’ (le të tërhiqemi)… Kjo tregon se sa e organizuar ishte kjo “protestë” e regjimit të Serbisë. Kosova nuk do të bjerë pas kësaj teatrale të krahut të djathtë të sponsorizuar nga Beogradi dhe Moska. Integriteti ynë territorial është i pacenueshëm”- ka shkruar Vela në Twitter.
Të dielën, dhjetëra qytetarë protestuan në pikën kufitare në Jarinjë, nga ana e Serbisë. Situata eskaloi kur protestuesin filluan të tentonin të thyenin kordonin e Policisë së Serbisë për të hyrë në Kosovë.
