Shkollat shqiptare në veri vazhdojnë mësimin, përveç njërës që po punon pjesërisht

Të hënën, në një shkollë shqiptare në veri procesi mësimor është mbajtur pjesërisht, ndërsa në fshatrat tjera të banuara me shumicë shqiptare mësimi është duke u zhvilluar normalisht.

Për shkak të mungesës se sigurisë, më 12 dhjetor, procesi mësimor në shkollën fillore “Aziz Sylejmani” në lagjen Kodra e Minatorëve në veri të Kosovës, është mbajtur pjesërisht.

Kështu tha për Radion Evropa e Lirë, drejtori i kësaj shkolle, Flamur Gacaferri.