Shtirej si polic në Prishtinë, një burrë me 21 vepra penale dënohet me 8 vjet burg për dhunim dhe ngacmim seksual

Një burrë me një dosje prej 21-veprave penale është dënuar me tetë vjet burgim unik e 500 euro gjobë, pasi që Gjykata e Prishtinës e gjeti fajtor se në dy raste të ndryshme, duke u shtirur si polic, ka dhunuar një vajzë dhe ka ngacmuar seksualisht një tjetër. Kështu, ai ka kryer tri vepra penale, dhunim, ngacmim seksual dhe prezantim i rremë si person zyrtar, shkruan Kallxo.com

I njëjti ka qenë recidivist, i dënuar edhe më parë me një vit e gjysmë burgim për veprën dhunim dhe 300 euro gjobë për veprën ngacmim seksual. Ai ishte dënuar dhjetëra herë edhe për veprat mashtrim, lëndim i lehtë trupor, sulm e vjedhje.

Sipas aktgjykimit, përderisa e dëmtuara ka qenë duke kryer marrëdhënie seksuale me të dashurin e saj në parkingun e një supermarketi, i cili gjendet afër Qendrës Klinike dhe Universitare të Kosovës, siç thuhet në aktgjykim, i akuzuari, duke u prezantuar si polic, e ka detyruar të dëmtuarën që të dalë nga vetura, me pretekstin se duhet ta dërgojë në shtëpi pasi që po i duket e mitur, ndërsa të dashurit të saj i ka thënë se po e pret policia poshtë.

“I akuzuari kishte detyruar të dëmtuarën e lartcekur për ta përcjellë në shtëpinë e saj dhe i njëjti duke përcjellë e dërgon në një garazhë-bodrum të banesave në Lagjen “…” në Prishtinë, duke e shfrytëzuar situatën në të cilën ishte e dëmtuara e pambrojtur dhe kur siguria e saj ishte në rrezik pa dëshirën e saj, ka kryer marrëdhënie seksuale me dhunë” – përshkruhet më tutje në aktgjykim.

Ky rast ka ndodhur më 5 dhjetor 2018, rreth orës 19:30.

R.S. është gjetur fajtor edhe për veprën ngacmim seksual, të cilën, sipas Gjykatës e ka kryer një vit e gjysmë më vonë, në mënyrë të ngjashme.

Në parkingun e supermarketit të njëjtë, i akuzuari i është prezantuar si polic një çifti tjetër, i cili po qëndronte në makinë.

Ai e ka detyruar të dëmtuarën që të ndahej nga i dashuri i saj, kinse për ta dërguar në stacion policor, për arsye të pandemisë Covid-19.

…Në vend te kësaj e ka dërguar në një vend të errët garazhe-bodrum te banesave në Lagjen “…” ne Prishtinë, duke e shfrytëzuar situatën në të cilën ishte e dëmtuara e ngacmon seksualisht duke e prekur në pjesët intime të trupit, e puthë dhe më pas e ka detyruar pa vullnetin e saj te zhvishet nën pretekstin se do t’i bëj një analizë për te vërtetuar virusin Covid-19 dhe të dërgohet në karantinë” – thuhet në aktgjykim.

Ky rast ka ndodhur më 11 maj 2020, rreth orës 15:30.

Gjykata gjen se të dyja rastet kanë ngjashmëri shumë të madhe në mes të tyre, pasi që veprimet e të akuzuarit pothuajse janë identike, gjë që përforcon bindjen e gjykatës se i akuzuari ka kryer këtë vepër me dashje direkte.

“Dhe i njëjti ka arritur që përmes prezantimit të rremë si zyrtarë policor të ushtrojë ndikimin e tij tek e dëmtuara për ta dërguar në vende të errëta, përkatësisht në njërën nga garazhat e lagjes …dhe t’i kënaqë epshet e tij seksuale duke kryer marrëdhënie seksuale pa pëlqimin e saj” – thuhet në vendimin e gjykatës

Mbrojtësi i të akuzuarit R.S, avokati Fitim Malokaj, në fjalën e tij përfundimtare ka deklaruar se nuk është provuar aktakuza e prokurorisë dhe gjykatës i ka propozuar të akuzuarin ta lirojë nga Aktakuza. Kurse, i akuzuari R.S, në fjalën përfundimtare deklaroi se e përkrahë fjalën përfundimtare të dhënë nga mbrojtësi i tij dhe nuk ka tjetër se çfarë të shtojë.

Derisa gjatë shqyrtimit gjyqësor, i akuzuari R.S, kishte deklaruar se të dëmtuarën K.S e njeh prej vitit 2017 ose 2018, pasi që kanë pasur lidhje dashurie me të. Ndërsa në ditën kritike ka mohuar të ketë qenë tek parkingu i supermarketit.

Në dënimin e shqiptuar me burgim, të akuzuarit do t’i llogaritet edhe koha e kaluar në paraburgim dhe arrest shtëpiak prej datës 05 qershor 2020 deri më 16 nëntor 2020, në atë mënyrë që një ditë e qëndrimit në paraburgim apo arrest shtëpiak barazohet me një ditë burgim.

Trupi gjykues ka qenë i përbërë nga gjyqtarja Alltën Murseli – kryetare dhe gjyqtarët Gazmend Bahtiri e Gëzim Ademi – anëtarë.

Ky trup gjykues nuk ka gjetur asnjë rrethanë lehtësuese, ndërsa si rrethana rënduese ka llogaritur faktin që i akuzuari është recidivist, shkallën e lartë të përgjegjësisë së tij pasi që “i njëjti me dashje ka shfrytëzuar situatën dhe ka kryer marrëdhënie seksuale me të dëmtuarën pa marrë pëlqimin paraprak të saj, intensitetin e rrezikimit apo të dëmtimit të vlerës së mbrojtur, i njëjti i ka shkaktuar dëm fizik dhe psikologjik të dëmtuarës duke i shkaktuar edhe trauma psikologjike”.

Sipas evidencës penale i akuzuari figuron si person i dënuar në 21 raste.

Dosja e tij është si në vijim:

1. Rasti P-…/2019 në Skenderaj, i plotfuqishëm me date 13.09.2018 vepra: 335 mashtrim dënimi: dënim me kusht 8 muaj në afat verifikimi prej 16 muaj;
2. Rasti PM./2013 në Prishtinë plotfuqishmeria me date 24.03.2014 vepra: 193 dhunim dënimi : denim me burgim 1 vit e 6 muaj;
3. Rasti P-…/2017 ne Ferizaj plotfuqishmeria me date 29.08.2018 vepra: 335 mashtrim denimi: denim me burgim prej 3 muaj dhe gjobe 300 euro;
4. Rasti P-…/2018 ne Gjakove plotfuqishmeria me date 08.05.2019 vepra: 325 vjedhje denimi: denim me gjobe 250 euro;
5. Rasti P-…/2018 ne Prizren plotfuqishmeria me date 03.01.2019 vepra: 335 mashtrim denimi: denim me gjobe 400 euro dhe denim me kusht 6 muaj ne afat verifikimi prej 1 viti;
6. Rasti P-…/2018 ne Gllogoc plotfuqishmeria 21.02.2019 vepra: 335 mashtrim denimi : Denim me burgim prej 6 muaj dhe denim me gjobe 400 euro;
7. Rasti P-…/2018 ne Prizren plotfuqishmeria 24.12.2018 vepra; 188 lendim i lehte trupor denimi: denim me kusht 3 muaj ne afat verifikimi prej 1 viti;
8. Rasti P…/2018 ne Podujev plotfuqishmeria 29.08.2018 vepra: 335 mashtrim denim: denim me kusht 3 muaj ne afat verifikimi prej 1 vit dhe denim me gjobe 120 euro;
9. Rasti P…/2018 ne Podujev plotfuqishmeria 29.08.2018 vepra: 335 mashtrim denim: denim me kusht 3 muaj ne afat verifikimi prej 1 vit dhe denim me gjobe 120 euro;
10. Rasti P-…/2011 ne Gllogoc plotfuqishmeria 04.04.2014 vepra: 261 mashtrim denimi: denim me gjobe 300 euro;
11. Rasti P358/2016 ne Prishtine plotfuqishmeria 10.12.2019 vepra:335 mashtrim denimi: denim me burgim prej 5 muaj dhe denim me gjobe 300 euro;
12. Rasti P-…/2019 ne Suharek plotfuqishmeria 20.03.2020 vepra:313 vjedhje denimi: denim me gjobe 1200 euro;
13. Rasti P-…/2017 ne Prishtine plotfuqishmeria 10.02.2020 vepra: 325 vjedhje denimi: denim me kusht 6 muaj ne afat verifikimi prej 1 viti dhe denim me gjobe 200 euro;
14. Rasti P-…/2010 ne Prishtine plotfuqishmeria 23.03.2011 vepra; 161 kanosje denimi: denim me gjobe 250 euro;
15. Rasti P-…/2019 ne Lipjan plotfuqishmeria 16.03.2020 vepra:335 mashtrim denimi: denim me kusht 3 muaj dhe 200 euro ne afat verifikimi prej 1 viti;
16. Rasti P-…/2019 ne Prishtine plotfuqishmeria 03.03.2021 vepra :187 sulm denimi: denim me burgim prej 3 muaj;
17. Rasti P-…/2018 ne Prishitne plotfuqishmeria 07.11.2019 vepra: 417 prezentim i rrem si person zyrtar denim: denim me kusht 6 muaj ne afat verifikimi prej 1 viti dhe denim me gjobe 200 euro;
18. Rasti P-…/2019 ne Lipjan plotfuqishmeria 13.05.2021 vepra 335 mashtrim denimi: denim me kusht 5 muaj ne afat verifikimi prej 1 viti dhe denim me gjobe 200 euro;
19. Rasti P-…/2018 ne Lipjan plotfuqishmeria 04.08.2021 vepra: 335 mashtrim denimi: denim me burg 3 muaj;
20. Rasti P- …/2017 ne Kline plotfuqishmeria 19.10.2018 vepra 335 mashtrim denimi: denim me burgim 3 muaj dhe denim me gjobe 300 euro;
21. Rasti P-2707/2017 ne Prishtine plotfuqishmeria 29.12.2017 vepra: 232 sulm seksual denim: denim me gjobe 300 euro;
22. Rasti P-…/2021 ne Viti plotfuqishmeria 29.05.2023 vepra: 323 mashtrim denimi: denim me gjobe 400 euro./kallxo.com/